ԱԳՈՒԼԻՍՑԻ ՔԱՋ ՊԱՏԱՆԻ

ԽԱՆԻ ԵՐԳԸ

Հուլիս ամսուն քսանհինգին,
Մոսին հրացան պատրաստ ձեռին,
Քյուրդի ոխը պահած սրտին,
Դէպ Խանասոր դիմեց ուժգին:

Երեք հարյուր հայ քաջերով,
Բոլոր զինված մոսիններով,
Շարաֆ բեկին մեծ ջարդ տալով,
Կարոն ընկավ` վրեժ կանչելով:

Ագուլիսցի քաջ պատանի,
Մահուանդ լուրը ո՞վ թող տանի,
Քեզպեսներուն միշտ երանի,
Դուք եք հույսը Հայաստանի:

Փչեց մեծ զով Արալուից,
Հայերի սիրտն էլ այրեց,
Խանի պես քաջ մեզնից խլեց,
Հայ քաջերի սիրտն էլ այրեց:

Դու ո՞վ ունեց, որ քեզի լա,
Գերեզմանիդ վրա ողբա,
Թշնամիեդ վրեժ առնե,
Անբախտ հայուն օգնող չկա:

Խունկով մոմով գամ Խանասոր,
Արցունք թափեմ ես ամէն օր,
Քեզ հարցնելով` մնացի մոլոր,
Նստած կուլամ միշտ սգավոր:

Արտասուքս հեղեղ դարձավ,
Պայծառ օրս խավարեցավ,
Լեռներ, ձորեր արյուն դարձավ,
Խանի պես քաջը զոհվեցավ:

Սուրս առնեմ, ելնեմ առաջ,
Թուրքեր ջարդեմ ես ձախ ու աջ,
Ես ալ հայ եմ պարտաճանաչ,
Ազգիս համար մեռնիմ քաջ-քաջ:

Գառնիկ Սարգսյան — Ագուլիսցի քաջ պատանի

Ջորջ Թութունջյան — Ագուլիսցի քաջ պատանի

Արա Սահակյան — Ագուլիսցի քաջ պատանի

Գառնիկ Սարգսյան — Ագուլիսցի քաջ պատանի

Սահակ Սիսլյան — Ագուլիսցի քաջ պատանի

Ժոզեֆ Գրիգորյան — Ագուլիսցի քաջ պատանի

Անհայտ կատարող — Ագուլիսցի քաջ պատանի

ԽԱՆ

ԱՐԻՍՏԱԿԵՍ ԶՈՐՅԱՆ
(ԿԱՐՈ)

Խանասորի արշավախումբը հաջողությամբ ավարտելով իր առաքելությունը` դեպի պարսկական սահման նահանջի ճանապարհին ընդհարումներ ունեցավ մերձակա լեռներից խուժած քուրդ զինյալների հետ: Մղվեցին բուռն կռիվներ, որոնց հետևանքով արշավախումբն ունեցավ ծանր կորուստներ: Նահատակվեցին 19 մարտիկներ, որոնց թվում` հարյուրապետի օգնական Կարոն` Դաշնակցության զինագործարանի անզուգական վարպետը: