ՄՈՒՍԱԼԵՌԱՆ ՀԻՄՆԵՐԳ

ՄՈՒՍԱԼԵՌԱՆ ՀԻՄՆԵՐԳ

Հեղինակ` Արսեն Համբարյան

Մուսա լե’ռ, մեր արև…
Մուսա լե’ռ, կենաց լեռ:

Երբ մթնեց երկինքը, խամրեցին աստղերը,
Եվ տիրեց անորոշ, ցուրտ խավար,
Երբ տնքաց աշխարհը, շաչեցին ծովերը
Իրենց սև ու խառնակ ուժով չար,

Կրկներգ –
Ծիրանվեց երկին-երկիրը,
Հուրհրաց Մուսա լեռը,
Ժայթեցին մուսաները,
Շողշողաց Հայքի արևը:

Եվ փայլեց երկինքը, պայծառվեց երկիրը,
Երկունքվեց լույս և սեր, ջինջ անմար,
Մեղմացան ծովերը, ժպտացին լեռները,
Ճառագվեց խինդ ու խոսք, երգ ու պար:

Կրկներգ –
Ծիրանվեց երկին-երկիրը….

Մուսա լե’ռ, մեր արև…
Մուսա լե’ռ, կենաց լեռ:
Արսեն Համբարյան – Մուսալեռան հիմներգ