ՉՔՆԵՔ ՏՂԱՆԵՐ

ՉՔՆԵՔ ՏՂԱՆԵՐ

Խոսքեր՝ Յուրի Սահակյան
Եր.` Գուրգեն Գաբրիելյան

Հեքիաթում որոշ են չարը և բարին,
Հեքիաթի վերջում միշտ հաղթում է բարին,
Հեքիաթը հավատ է պատմողի համար,
Չքնեք, տղաներ, չքնեք:

Կրկներգ
Չքնեք, տղաներ, չքնեք,
Կյանքը ձեր նոր ընթացք կունենա:
Չքնեք,տղաներ, չքնեք,
Ով քնի հազիվ թե արթնանա:

Իմաստուն է եղել հեքիաթի բարին,
Եվ աղ է ցանել նա իր խոր վերքերին,
Որ ցավը միշտ արթուն պահպանի նրան,
Չքնեք, տղաներ, չքնեք:

Կրկներգ

Իսկ չարը միշտ ունի հազար ձև ու դեմք,
Գեղեցիկ խոստումներ ու ժպիտներ նենգ,
Եվ հաճախ համոզում ու խաբում է նա,
Չքնեք, տղաներ, չքնեք:

Կրկներգ

https://www.youtube.com/watch?v=pga3GLl2Cgs