ԳԱՐԱՀԻՍԱՐ

ԳԱՐԱՀԻՍԱՐ
(Պետոյի հիշատակին)

Խոսք՝ Ավետիս Ահարոնյանի

Գարահիսար լեռան կրծքին
Նա էլ ընկավ վիրավոր,
Կուրծքը պատռած, սիրտը խոցված
Չար թշնամու գնդակով:

Ժեռոտ լեռան լերկ կատարից
Վա՛ր սլացիր, սեգ արծիվ,
Թևերդ բաց, լայն թևերդ,
Ու ջիվանուն հո՛վ արա:

Խոցված սրտից մուգ արյունը
Կաթիլ-կաթիլ կծորա…
Ա՜խ, ջիվանու կյանքն է հոսում,
Ցավոտ կրծքի լայն վերքից:

Ժեռոտ լեռան լերկ կատարից
Վա՛ր սլացիր, սեգ արծիվ,
Թևերդ բաց, լայն թևերդ,
Ու ջիվանուն հո՛վ արա:

Գառնիկ Սարգսյան – Գարահի սար

Շահե Սեկայան – Գարահի սար

Ջորջ Թութունջյան – Գարահի սար

Ժոզեֆ Գրիգորյան – Գարահի սար

Արա Սահակյան – Գարահի սար

 Պետո

Պետո (Ալեքսանդր Պետրոսյան), հայ ազգային-ազատագրական շարժման գործիչ, ՀՅԴ կուսակցության անդամ։
Ծնվել է Ալեքսանդրապոլում, ավարտել է Թիֆլիսի Ներսիսյան դպրոցը, եղել է ուսուցիչ։ Գործել է Վանում, սերտ կապեր հաստատել տեղական գործիչների (Փանոս Թերլեմեզյան, Տիգրան Տերոյան և ուրիշներ) հետ։ Մասնակցել է ՀՅԴ կուսակցության առաջին ընդհանուր ժողովին (1892), ապա անցել Պարսկաստան։
1894 թվականին առաջնորդել է Դերիկի վանքից Վասպուրական ՀՅԴ կուսակցության առաջին զինատար խումբը։ Վանի 1896 թվականի ինքնապաշտպանությանժամանակ, երեք կուսակցությունները միավորել էին իրենց ուժերը, Պետոն եղել է դաշնակցականների ղեկավարը։
Կռիվներից հետո Վարագավանքից Պարսկաստան անցնելիս Պետոյին իր խմբի հետ Կարահիսար լեռան մոտ շրջապատել են քրդերը։ Զոհվել է համառ դիմադրությունից հետո։