ԱՆԴՐԱՆԻԿԻՆ

ԱՆԴՐԱՆԻԿԻՆ

Անտարբեր մի եղիր հայ ազգի համար,
Վե՛ր կաց գերեզմանից, Անդրանիկ փաշա,
Շրջիր հայկական զորքերի առաջ,
Վեր կաց գերեզմանից, Անդրանիկ փաշա:

Մատաղ լինեմ քո քաջ ձիու սմբակին,
Որ նա հոգեառներ թուրքին ու քուրդին,
Հաղթական բազուկն շարժիր վերստին,
Վեր կաց գերեզմանից Անդրանիկ փաշա:

Պիտի հարություն առնես դու նորից
Ճերմակ նժույգով իջնես լեռներից
Անունդ թող թնդա Արարատ լեռից,
Վեր կաց գերեզմանից Անդրանիկ փաշա:

Չեմ կարող հաշտվել այն վճռի հետ,
Որ այլոց պիտ մնան Մուշն ու Մուրադ գետ,
Հայերի զորավար, քաջ սպարապետ,
Վեր կաց գերեզմանից, Անդրանիկ փաշա:

Լսիր Հայրիկ երգչի աղերսաբանը,
Հարություն առ, պատռիր քո սուրբ դամբանը,
Քեզ է սպասում Հին Հայաստանը,
Վեր կաց գերեզմանից, Անդրանիկ փաշա:

Գառնիկ Սարգսյան 1 – Անդրանիկ

Հարութ Փամբուկչյան 2 – Անդրանիկ

Սահակ Սիսլյան – Անդրանիկ

Տիգրան Հովհաննիսյան – Անդրանիկ փաշա, Ելիր Գևորգ, Մովսես Գորգիսյանին