ՋՈԿԱՏԻ ՆԱՀԱՏԱԿՆԵՐԻՆ
ՋՈԿԱՏԻ ՆԱՀԱՏԱԿՆԵՐԻՆ
Սլացքի աստղանուն թևերին,
Ննջեցեք, զավակներ քաջարի,
Մնացեք սրբազան ու վերին,
Արծիվնե’ր արցախյան տաճարի…
Ձեր բախտի լուսագես ակունքին,
Դեռ երգեր պիտի գան, խոնարհվեն,
Գալիքի երջանիկ հարցմունքին
Սխրանքի ղողանջներ կփարվեն…
Չեն մարի շողերը ձեր ճամփի,
Արևի զարթոնքը տուն կգա,
Ձեր ծոռը իր ձին կթամբի,
Կլինի ձեր փառքին վկա…
Կապրեք դուք երկնային մի սիրով,
Ուր հողն ու լույս են դաշնվում,
Եվ հույսի ոսկուն թելերով
Ձեր մայրն ու քույրերն են հաշտվում:
Կիսատ ակոսից ձեր կյանքի
Կծաղկեն վարդեր ու շուշան,
Զանգեր Գանձասար վանքի
Ձեր հոգուն կընծայեն սուրբ նշան…
Փառահուր ձեր մանկաց աչքերով
Դուք կգաք` կարևոր ու վսեմ,
Ձեր վերքից հառնող զենքերով
Կզարկեք թշնամուն` այդ նսեմ: